Jer 15 | ZomZIV | STEP | Tua ciangin TOPA in kei kiangah, “Moses le Samuel ka mai-ah hong ding zawzen uh zongin hih mite lamah ka lungsim a nga tuan kei ding hi. Ka muhna panin amaute hawlkhia in! Paikhiasak in!

1 Tua ciangin TOPA in kei kiangah, “Moses le Samuel ka mai-ah hong ding zawzen uh zongin hih mite lamah ka lungsim a nga tuan kei ding hi. Ka muhna panin amaute hawlkhia in! Paikhiasak in! 2 Amaute in nang kiangah, ‘Koi-ah pai ding ka hi uh hiam?’ hong cih uh leh amaute kiangah, ‘Hih in TOPA gen ahi hi:

“‘A si dinga kisehsate sihna ah,
namsau thuak dinga kisehsate namsau ah, ^a
kialpi thuak dinga kisehsate kialpi ah, ^b
sala kaih dinga kisehsate sal ah,’ ci in,” hong ci hi.

3 Amaute tungah suksiatna nam li ka tungsak ding hi,” TOPA in cikhia a, thah nading namsau, a tuahmang dingin ui, a susia ding le a nemang dingin huihlak vasate le leitunga ganhingte ka sawl ding hi. 4 Judah kumpipa Hezekiah tapa Manasseh in Jerusalem a, a bawl thu hangin leitunga kumpi-gamte khempeuh, amaute ka mudahsak ding hi. ^c

5 “Jerusalem aw, kua in nang hong hehpih ding ahi hiam? ^d
Kua in nang hong kah ding ahi hiam?
Na omzia dong dingin kua hong baang ding ahi hiam?
6 Nangmah in kei nong nolh khin zo hi,” TOPA in cikhia hi. ^e
“Nang na nungtolhtolh hi.
Tua hi-a na tungah ka khut hong nga-in kong susia ding hi; ^f
kong khuatuah thei nawn kei hi. ^g
7 Na gamsung khuapi kongpite ah
buhhah ciangka tawh amaute ka hah ding hi.
Amaute in a lampi uh khek lo uh ahi manin ^h
sihna le siatna ka tungsak ding hi. ⁱ
8 Keimah in tuipi a sehnel sangin
nupi meigong ka tamsakzaw ding hi. ^j
Ta khanglai nei nupite tungah
suntangpi-in siatna ka tungsak dinga; ^k
amau tungah thakhatin
lungkhamna le launa ka tungsak ding hi. ^l
9 Ta sagih a nei nupi, khakham vei-in ^m
a husam ding hi.
Suntangpi-in ama ni tum dinga;
tuanu zahlaakin a mindai ding hi. ⁿ
A nungta lai sunte a galte uh mai-ah ^o
namsau a thah dingin ka koih ding hi,” ^p

TOPA in cikhia hi.
10 Kalasai, nu aw, ^q
gambuppi mi tawh kilangneih a, ^r
mite mawhsak dingin ta a nong neih sese!
Sum leitawi loin ba lo napi ^s
mite in kei hong hamsiat lai uh hi.

11 TOPA in,

“Thu hoih nadingin nang kong hu taktak dinga; ^t
haksat hun le lungdon hunin
na galte nang tungah kong thumsak taktak ding hi.
12 “Mi khat in sik - leilu-lam pana sik - ^u
ahikeh sumngo sutan zo ding ahi hiam?
13 Na gam sungtengua na mawhna khempeuh hangin
na hauhna uh le na goute khempeuh uh
aman piak lohin
galvanlakin ka pia ding hi. ^v
14 Note langah a kuang ding ka hehna
mei kitawh ding ahi manin,
note theihlohna gamsung ^{▼▼15.14 Hebrew khutgelh pawlkhat, Septuagint le Syriac ( Jer. 17:4 zong en in) Hebrew khutgelh khempeuh ah sungah / na galte kong puaksak ding hi.} khatah
sila kong suaksak ding hi,” hong ci hi.
15 TOPA aw, na theitel hi;
hong phawk inla hong veh in.
Kei hong bawlsiate tungah phu hong laksak in. ^x
Nang a lungduai na hi hi - kei hong lakhia kei in; ^y
nangma ai-in mawhsakna ka thuak lam ngaihsun in.
16 Na thute hong tun ciangin ka ne hi; ^z
na min vom ka hi manin TOPA Thahatpen Pasian aw, ^aa
tuate ka nopsakpih a,
ka lungsim ah nuam ka sa hi.
17 A gualnuam mite lakah ka tu ngei kei-a, ^ab
amaute tawh ka gualnuam khawm kei hi.
Nang in ka tungah na khut hong nga-in
lungkhamna tawh hong dim na hi manin kei kia ka tu hi. ^ac
18 Bang hangin ka natna dai thei lo a,
ka liamna dahhuai-in kidamsak thei lo ahi hiam? ^ad
Nang in kei tungah tui om lo luite bang le
a kangsa tuinak tawh kibang ding na hi hiam?

19 Tua ahi ciangin TOPA gen ahi hi:

“Na kisik kik leh ka na na sep theih nadingin
na omna ngei ah kong omsak ding hi;
nang in a man nei thu genin a man nei lo thu na gen kei leh
ka thugenpa na suak ding hi.
Hih mite nang lamah kiheisak inla,
amau lamah nang kihei peuhmah kei in.
20 Keimah in hih mite adingin kulh,
khuapi umna sumngo kulh kong suaksak ding hi;
nang hong hu-in hong suaktasak dingin
hong ompih ka hi manin
amaute in nang hong do uh hangin
hong zozo lo ding uh hi,”

TOPA in cikhia hi.
21 “Keimah in migilote khut panin kong honkhia dinga
mi kheltatte khut panin kong tankhia ding hi,” hong ci hi.